கோர விபத்தை ஏற்படுத்தி ஒருவர் உயிரிழக்கவும், 4 பேர் காயமடையவும் காரணமான 16 வயது சிறுவன் மற்றும் சிறுவனின் தந்தை கைது!

கொழும்பு - வெலிசறை பகுதியில் கோர விபத்தை ஏற்படுத்தியமை தொடர்பாக 16 வயது சிறுவனும், சிறுவனின் தந்தையும் கைது செய்யப்பட்டுள்ளதுடன், இன்று நீதிமன்றில் முற்படுத்தப்படவுள்ளதாக பொலிஸார் கூறியுள்ளனர். 

16 வயதான இளைஞன் செலுத்திய ஜீப் வண்டி, கட்டுப்பாட்டை இழந்து பாதையின் எதிர்த்திசையில் பயணித்த நான்கு வாகனங்களை மோதித் தள்ளியதால் இந்த விபத்து இடம்பெற்றுள்ளது.

விபத்தை ஏற்படுத்திய தனது 16 வயது மகனுக்கு வாகனம் செலுத்த சந்தர்ப்பம் அளித்தமைக்காக அவரது தந்தையையும் பொலிஸாரினால் கைதுசெய்யப்பட்டனர். நேற்று காலை கொழும்பிலிருந்து நீர் கொழும்பு நோக்கி 

குறித்த 16 வயதுடைய இளைஞன் செலுத்திய சொகுசு ஜீப் வண்டி பயணித்துள்ளது. இந்த ஜீப் வண்டியானது மஹபாகே பொலிஸ் பிரிவில் வெலிசறை பகுதியில் வைத்து, நீர் கொழும்பிலிருந்து கொழும்பு நோக்கி வந்துகொண்டிருந்த 

ஒரு கார், ஒரு முச்சக்கர வண்டி மற்றும் இரு மோட்டார் சைக்கிள்களை மோதியுள்ளது. சாரதியால் ஜீப் வண்டியை கட்டுப்படுத்த முடியாமல், அது பாதையை விட்டு விலகி எதிர்த்திசையில் வந்த வகானங்களுடன் மோதி விபத்துக்குள்ளாகியுள்ளது.

விபத்தில் 5 பேர் படுகாயமடைந்து, உடனடியாக கொழும்பு வடக்கு போதனா வைத்தியசாலைக்கு கொண்டு செல்லப்பட்டனர். அவர்களில் 51 வயதான மஹபாகே பகுதியைச் சேர்ந்த நபர் ஒருவர் உயிரிழந்துள்ளதுடன், 

மற்றைய நால்வர் சிகிச்சை பெற்று வருகின்றனர்.