கோர விபத்தை ஏற்படுத்திய 16 வயதான சிறுவன்..! ஒருவர் பலி, 4 பேர் படுகாயம், பல வாகனங்கள் சேதம், இன்று நண்பகல் நடந்த கோரம்..

16 வயதான சிறுவன் ஓட்டிய கார் கட்டுப்பாட்டை இழந்து வீதியில் பயணித்த வாகனங்கள் மீது மோதி கோர விபத்தை ஏற்படுத்தியுள்ள நிலையில் ஒருவர் உயிரிழந்துள்ளதுடன், 4 பேர் காயமடைந்துள்ளனர். 

இச்சம்பவம் கொழும்பு – நீர்கொழும்பு பிரதான வீதியில் வெலிசர, பொது மயானத்துக்கு அருகில் இன்று காலை இடம்பெற்றுள்ளது. காயடைந்தவர்கள் ராகம போதனா வைத்தியசாலையில் அனுமதிக்கப்பட்டுள்ளனர்.

கொழும்பிலிருந்து நீர்கொழும்பு திசையாகப் பயணித்த அதிசொகுசு மகிழுந்து ஒன்று, வீதியை விட்டு விலகி, எதிர் திசையில் பயணித்த இரு உந்துருளிகளையும், முச்சக்கரவண்டியொன்றையும், மகிழுந்து ஒன்றையும் மோதியுள்ளது.

சிறுவன் செலுத்திய கார் வேகக் கட்டுப்பாட்டை இழந்ததால் குறித்த வீதியை விட்டு விலகி விபத்தை ஏற்படுத்தியதாக பொலிஸாரின் விசாரணைகளிலிருந்து தெரியவந்துள்ளது.சம்பவத்தில் மோட்டார் சைக்கிளில் 

பயணித்த ஒருவர் உயிரிழந்துள்ள அதேவேளை, அவருடன் பயணித்த மற்றுமொருவர் பலத்த காயமடைந்த நிலையில் ராகம போதனா வைத்தியசாலையில் அனுமதிக்கப்பட்டுள்ளார்.