இளம் பெண்ணை வழிமறித்து ஒருவரின் பெயரை கூறி விசாரித்துவிட்டு சங்கிலியை அறுத்துச் சென்ற திருடர்கள்..!

கோவிலுக்கு சென்றுவிட்டு வீடு திரும்பிய பெண்ணின் தங்க சங்கிலியை வழிப்பறி கொள்ளையர்கள் பறித்துச் சென்றிருக்கின்றனர். 

குறித்த சம்பவம் நேற்று இடம்பெற்றிருக்கின்றது, சம்பவம் தொடர்பில் மேலும் தொியவருவதாவது, வவுனியா, உக்குளாங்குளம் பகுதியில் உள்ள சிவன் ஆலயத்தில் 

வழிபாடு மேற்கொள்வதற்காக பெண் ஒருவர் சென்றுள்ளார். இதன்போது ஒரு மோட்டார் சைக்கிளில் வந்த இருவர் அந்தப் பெண்ணை ஆலயத்தின் அருகில் 

வழிமறித்து ஒருவருடைய பெயரைக் கூறி ஆலயத்தில் குறித்த நபர் உள்ளாரா எனக் கேள்வி எழுப்பிய போது, அவர் பதில் அளிக்க முற்படுகையில் 

அவர் அணிந்திருந்த சங்கிலியை அறுத்துக் கொண்டு குறித்த இருவரும் தப்பிச் சென்றுள்ளனர்.குறித்த பெண் அணிந்திருந்த மூன்று பவுண் தங்கச் சங்கிலியே 

இதன்போது அறுத்துச் செல்லப்பட்டுள்ளது. இது தொடர்பில் பாதிக்கப்பட்ட பெண் வவுனியா பொலிஸ் நிலையத்தில் செய்த முறைப்பாட்டையடுத்து 

வவுனியா பொலிசார் தீவிர விசாரணைகளை முன்னெத்துள்ளனர்.