பாடசாலை மாணவர்கள் 10 பேருக்கு கொரோனா தொற்று..!

கிளிநொச்சி மாவட்டத்தில் நேற்று முன்தினம் கொரோனா தொற்றுடன் அடையாளம் காணப்பட்டிருந்த 20 போில் 10 பேர் பாடசாலை மாணவர்கள் என கிளிநொச்சி பிராந்திய சுகாதார சேவைகள் பணிப்பாளர் வைத்திய கலாநிதி சரவணபவன் கூறியிருக்கின்றார். 

இது குறித்து மேலும் அவர் கூறியுள்ளதாவது, நேற்று முன்தினம் 20 நோயாளர்கள் அடையாளம் காணப்பட்டார்கள். தற்பொழுது பரவல் குறைந்து காணப்படுகின்றது. அனைத்து வைத்தியசாலைகளிலும் அன்டியன் பரிசோதனை தனியொரு பிரிவாக வைத்து மேற்கொண்டு வருகின்றோம்.

தொற்றாளர்கள் தினமும் அடையாளம் காணப்பட்டு வருகின்றார்கள். நேற்றைய தினம் அடையாளம் காணப்பட்ட 20 பேரில் 10 பேர் 16வயதுக்கு குறைந்தவர்களாக உள்ளனர். அவர்கள் பாடசாலை மாணவர்களாவர். இவ்விடயம் மிக முக்கிய கவனத்திற்கொள்ளவேண்டிய விடயம் என்றார்.