மறைந்த புனித் ராஜ்குமாரின் உதவியில் கல்வி பயின்ற 1800 மாணவர்களின் கல்விச் செலவை ஏற்க தயார்!! -நடிகர் விஷால் அறிவிப்பு-

மறைந்த கன்னட நடிகர் புனித் ராஜ்குமாரின் உதவி மூலம் கல்வி பயின்று வந்த 1800 மாணவர்களின் கல்விச் செலவை ஏற்க தயார் என்று நடிகர் விஷால் தெரிவித்தார். 

இலவசப் பாடசாலைகள், ஆதரவற்றோர் இல்லங்கள், கோசாலைகள் முதியோர் இல்லங்கள் உள்ளிட்டவற்றை  நடத்தி வந்த நடிகர் புனித், ஆயிரத்து 1800 மாணவர்களின் கல்விச் செலவையும் ஏற்றிருந்தார்.

இந்த நிலையில் ஹைதராபாத்தில் நடைபெற்ற எனிமி திரைப்படத்தின் புரோமஷன் நிகழ்ச்சியில் உரையாற்றிய நடிகர் விஷால், புனித் விட்டுச் சென்ற பணிகள் அவரோடு நின்று விடக்கூடாது என்றும், அவரது குடும்பத்தினர் அனுமதி அளித்தால் ஆயிரத்து 1800 மாணவர்களின் கல்விச் செலவை அடுத்த ஆண்டு முதல் தாம் ஏற்றுக்கொள்வதாகவும் தெரிவித்தார்.