ஹெட்ரிக் சாதனையை பதிவு செய்த ஹசரங்க!!

ரி-20 உலகக் கிண்ணத்தில் தொடர்ச்சியாக 3 விக்கெட்டுக்களை எடுத்து ஹெட்ரிக் சாதனை படைத்த மூன்றாவது வீரர் என்ற பெருமையை வனிந்து ஹசரங்க தனதாக்கிக் கொண்டுள்ளார். 

தற்போது நடைபெற்று வரும் ரி-20 உலகக் கிண்ணத்தில் சனிக்கிழமை தென்னாபிரிக்காவுக்கு எதிராக சார்ஜாவில் நடந்த போட்டியின் போது ஹசரங்க இந்த சாதனையை படைத்தார்.

ஹசரங்கவின் 3 ஆவது ஓவரின் இறுதிப் பந்து வீச்சல் எய்டன் மார்க்ரமை முதலில் ஆட்டமிழக்கச் செய்தார். அதன் பின்னர் அவரது 4 ஆவது ஓவரின் முதல் பந்தில் தென்னாபிரிக்க அணித் தலைவர் பவுமாவை 46 ஓட்டங்களில் வெளியேற்றினார்.

அடுத்து களமிறங்கிய டுவைன் பிரிட்டோரியஸை அடுத்த பந்தில் ஆட்டமிழக்க செய்து, இந்த சாதனையை புரிந்தார் ஹசரங்க.