காணாமல் ஆக்கப்பட்டோர் எங்கே..? யாழ்ப்பாணம், கிளிநொச்சி மாவட்டங்களில் போராட்டம்..

யாழ்ப்பாணம், கிளிநொச்சி மாவட்டங்களில் காணாமல் ஆக்கப்பட்டவர்களின் உறவினர்கள் கவனயீர்ப்பு போராட்டங்களை நடாத்தியுள்ளனர். 

யாழ்.நல்லுார் - கைலாய பிள்ளையார் ஆலய சுற்றாடலில் உள்ள ஐ.நா அலுவலக முன்றலில் கொட்டும் மழைக்கும் மத்தியில் மக்கள் கவனயீர்ப்பு போராட்டத்தை

நடத்தியிருக்கின்றனர். இன்று காலை 10 மணியளவில் குறித்த போராட்டம் நடத்தப்பட்டிருக்கின்றது. 

இதன்போது காணாமல் ஆக்கப்பட்டோர் விடயத்தில் இலங்கை மீது சர்வதேச அழுத்தம் பிரயோகிக்கப்படவேண்டும் என கோரியிருந்தனர். 

இதேபோல் இன்று காலை 11 மணியளவில் கிளிநொச்சி நகரிலும் காணாமல் ஆக்கப்பட்டோரின் உறவினர்கள் போராட்டம் ஒன்றை நடத்தியுள்ளனர். 

வலிந்து காணாமல் ஆக்கப்பட்டவ்ரகளின் உறவுகளின் சங்க அலுவலகம் முன்பாக இந்த போராட்டம் இடம்பெற்றது.

இறுதி யுத்தத்தின் போது காணாமல் போனவர்கள், கடத்தப்பட்டவர்கள், இராணுவத்தினரிடம் ஒப்படைக்கப்பட்ட தமது உறவுகளை மீட்டுத்தருமாறு கோரி 

1711வது நாளாக காணாமல் ஆக்கப்பட்டவர்களின் உறவுகள் போராட்டத்தில் ஈடுபட்டு வருகின்றனர். இந்த நிலையில் மாதம் தோறும் 

30ம் திகதி வீதியில் கவனயீர்ப்பு போராட்டங்களை முன்னெடுத்த வருகின்றமை குறிப்பிடத்தக்கதாகும்.