வீதியால் சென்றவர்கள் மற்றும் வீடுகளுக்குள் நின்றவர்கள் மீது மதுபோதையில் ரவுடிகள் தாக்குதல்! பெண் உட்பட 4 பேர் காயம்..

வீதியால் சென்றவர்களை வழிமறித்த ரவுடிகள் நடத்திய தாக்குதலில் நால்வர் காயமடைந்ததுடன், வீடுகள் சிலவற்றுக்குள்ளும் புகுந்து தாக்குதல் நடத்தியிருக்கின்றனர். 

இந்த சம்பவம் வவுனியா - கோவில்குளம் பகுதியில் இடம்பெற்றிருக்கின்றது. மதுபோதையில் நின்றிருந்த ரவுடிகள் வீதியால் செல்பவர்களை தாக்கியதுடன் 

வீடுகள் சிலவற்றிற்குள் புகுந்து உறங்கிக் கொண்டிருந்தவர்களையும் தாக்கியுள்ளனர். தாக்குதலில் பெண் உட்பட நால்வர் காயமடைந்த நிலையில் 

இருவர் வைத்தியசாலையில் அனுமதிக்கப்பட்டுள்ளனர். சம்பவம் தொடர்பாக பாராளுமன்ற உறுப்பினர் கு.திலீபனுக்கு தெரியப்படுத்தப்பட்டது.

சம்பவ இடத்திற்கு சென்ற அவர் நிலமை தொடர்பாக ஆராய்நத்ததுடன் தாக்குதலை மேற்கொண்டவர்களை கைதுசெய்யுமாறு பொலிசாருக்கு பணித்தார். 

பொலிசார் விசாரணைகளை முன்னெடுத்து வருகின்றனர்.