திரைப்படத் தொழிலாளர்களுக்கு குடியிருப்பு கட்டடம்!! -ஒரு கோடி நன்கொடை வழங்கிய விஜய்சேதுபதி-

தமிழ் சினிமாவில் முன்னணி நடிகர்களில் ஒருவராக உள்ள விஜய்சேதுபதி திரைப்படத் தொழிலாளர்களுக்கு குடியிருப்பு கட்ட ஒரு கோடி ரூபா நன்கொடை வழங்கியுள்ளார். 

சென்னை சாலிகிராமத்தில் நடைபெற்ற நன்கொடை வழங்கும் நிகழ்ச்சியில் ஒரு கோடி ரூபாய்க்கான காசோலையை விஜய் சேதுபதி, பெப்சி தலைவர் ஆர்.கே.செல்வமணியிடம் வழங்கினார்.

அப்போது பேசிய விஜய் சேதுபதி தந்தையின் கடனை அடைக்க சினிமாவில் நடிக்க வந்ததாகத் தெரிவித்தார். மேலும், கட்டுமான நிறுவனத் தலைவர் சுரேஷ் பாபுவிற்கு தமிழ் தெரியாது என்பதால் கட்டிடத்தை உறுதியாகக் கட்டுமாறு ஆங்கிலம் மற்றும் இந்தி மொழிகளில் விஜய் சேதுபதி கோரிக்கை வைத்தார்.