சி.எஸ்.கே பிளே-ஒப் சுற்றுக்கு முதல் அணியாக தகுதி

ஐ.பி.எல் ரி-20 கிரிக்கெட் தொடரில் தொடர்ந்து வெற்றிகளை குவித்து வரும் சென்னை அணி நேற்று நடந்த போட்டியில் வெற்றி பெற்று பிளே-ஒப் சுற்றுக்கு முதல் அணியாக முன்னேறியுள்ளது.

நேற்றயை போட்டியில் ஆட்டத்தில் சென்னை - ஐதராபாத் அணிகள் மோதின. நாணயச்சுழற்சியை வென்ற சென்னை அணி முதலில் களத்தடுப்பை தீர்மானித்தது.

இதையடுத்து முதலில் துடுப்பெடுத்தாடிய சன்ரைசர்ஸ் ஐதராபாத் அணி நிர்ணயிக்கப்பட்ட 20 ஓவர்கள் நிறைவில் 7 விக்கெட் இழப்பிற்கு 134 ஓட்டங்களை பெற்றது.

இதையடுத்து 135 என்ற வெற்றி இலக்கு நோக்கி துடுப்பெடுத்தாடிய சென்னை அணி 19.4 ஓவர்களில் 4 விக்கெட்களை மட்டும் இழந்து 139 ஓட்டங்களை பெற்று 6 விக்கெட் வித்தியாசத்தில் வெற்றி பெற்றது.

ஐ.பி.எல் தொடரில் இதுவரை 11 போட்டிகளில் இரண்டில் மட்டுமே தோல்வியை தழுவிய நிலையில் 9 வெற்றிகளுடன் அதிகாரப்பூர்வமாக பிளே-ஒப் சுற்றுக்கு முதல் அணியாக முன்னேறியது சென்னை சூப்பர் கிங்ஸ்.