யாழ்.அனலைதீவில் இன்று அதிகாலை கடற்படையின் சுற்றிவளைப்பில் இருவர் கைது!
யாழ்.அனலைதீவில் வீடொன்றில் மறைத்து வைக்கப்பட்டிருந்த சுமார் 20 மஞ்சள் மூடைகள் கைப்பற்றப்பட்டுள்ளதுடன் இருவர் கைது செய்யப்பட்டுள்ளதாக கடற்படையினர் தொிவித்துள்ளனர்.
குறித்த சம்பவம் இன்று வெள்ளிக்கிழமை அதிகாலை 3 மணிக்கு முன்னெடுக்கப்பட்டதாக கடற்படை குறிப்பிட்டது. நாவற்குழி மற்றும் அனலைதீவு பகுதிகளை சேர்ந்த இருவரே கைது செய்யப்பட்டுள்ளனர்.
இந்தியாவிலிருந்து கடத்திவரப்பட்ட மஞ்சள் மூடைகள் வீடொன்றில் பதுக்கிவைக்கப்பட்டிருப்பதாகக் கிடைத்த தகவலின் அடிப்படையிலேயே இந்தக் கைது நடவடிக்கை முன்னெடுக்கப்பட்டது என்று கடற்படை கூறியது.
