சிங்கத்தையும், யானையையும் தத்தெடுத்த சிவகார்த்திகேயன்!!
இந்தியா – சென்னையில் உள்ள வண்டலூர் உயிரியல் பூங்காவில் ஆண் சிங்கம் மற்றும் ஒரு பெண் யானையை நடிகர் சிவகார்த்திகேயன் 6 மாத காலத்துக்கு தத்தெடுத்துள்ளார்.
வண்டலூரில் உள்ள அறிஞர் அண்ணா உயிரியல் பூங்காவில் சுமார் 2,452 விலங்குகள் பராமரிக்கப்பட்டு வருகின்றன. அங்கு பார்வையாளராக வந்து விலங்குகளை பார்ப்பதோடு மட்டுமல்லாமல் இங்கு உள்ள விலங்குகளோடு ஒரு சிறந்த பந்தத்தை அமைக்கும் விதமாக இப்பூங்கா விலங்கு தத்தெடுப்பு திட்டத்தை நடைமுறைப்படுத்தி வருகிறது.
இந்தநிலையில், தமிழ் சினிமாவில் முன்னணி நடிகர்களில் ஒருவரான சிவகார்த்திகேயன் பூங்காவிலுள்ள விஷ்ணு என்ற ஆண் சிங்கத்தையும், பிரகுர்த்தி என்ற பெண் யானையையும் 6 மாத காலத்திற்கு தத்தெடுப்பு செய்து ஆதரவு தெரிவித்துள்ளார்.
