17 ஆண்டு கால கிரிக்கெட் வாழ்க்கைக்கு விடைகொடுத்த ஸ்டெய்ன்!!

தென்னாபிரிக்க கிரிக்கெட் அணியின் வேகப்பந்து வீச்சாளரான டேல் ஸ்டெய்ன் சர்வதேச கிரிக்கெட் அரங்கிலிருந்து ஓய்வு பெறுவதாக அறிவித்துள்ளார்.

இதன் படி 38 வயதான டேல் ஸ்டெய்னின் தனது 17 வருட கால சர்வதேச கிரிக்கெட் வாழ்க்கை நிறைவுக்கு கொண்டுவந்துள்ளார். 

2004 ஆம் ஆண்டு டிசெம்பர் மாதம் 17 ஆம் திகதி இங்கிலாந்து அணிக்கு எதிரான டெஸ்ட் போட்டியின் மூலம் சர்வதேச கிரிக்கெட்டில் முதல் படி எடுத்து வைத்த அவர் 699 சர்வதேச விக்கெட்டுகளை வீழ்த்தியுள்ளார்.

இதில் டெஸ்ட் அரங்கில் 439 விக்கெட்டுகளும், சர்வதேச ஒருநாள் அரங்கில் 196 விக்கெட்டுகளும், சர்வதேச இருபதுக்கு 20 அரங்கில் 64 விக்கெட்டுகளும் அடங்கும் என்பது குறிப்பிடத்தக்கது.