நடிகை சோனியா அகர்வால் அதிரடி கைது!! -வீட்டிலிருந்து கஞ்சாவும் மீட்பு-

பெங்களூருவில் போதைப்பொருள் வழக்கில் தொடர்புடைய நடிகை சோனியா அகர்வாலின் வீட்டில் நடத்தப்பட்ட திடீர் சோதனையின் போது அங்கிருந்து கஞ்சா போதைப் பொருள் கைப்பற்றப்பட்டுள்ளது. 

கன்னட திரையுலக நடிகைகளான ராகிணி திவேதி, சஞ்சனா கல்ராணி போதைப்பொருட்கள் பயன்படுத்திய விவகாரம் தொடர்பில் இருவரையும் பெங்களூரு மத்திய குற்றப்பிரிவு பொலிஸார் கைது செய்திருந்தனர். தற்போது அவர்கள் பிணையில் விடுவிக்கப்பட்டுள்ளனர். 

இந்நிலையில் கடந்த 12 ஆம் திகதி போதைப்பொருள் விற்பனையாளரான நைஜீரியாவை சேர்ந்த தாமஸ் என்பவரை பொலிஸார் கைது சென்று அவரிடம் நடத்திய விசாரணையில் கன்னட நடிகையும், மாடல் அழகியுமான சோனியா அகர்வால் உள்ளிட்ட பலருக்கு தொடர்பு இருப்பது தெரியவந்தது.

அதைத்தொடர்ந்து, பெங்களூரு ராஜாஜிநகரில் உள்ள சோனியா அகர்வாலின் வீட்டில் நேற்று திங்கட்கிழமை பொலிஸார் அதிரடி சோதனை நடத்தினர். இதன் போது அங்கிருந்து 40 கிராம் கஞ்சாவை பொலிஸார் கைப்பற்றியுள்ளனர். 

இதையடுத்து பெங்களூருவில் உள்ள ஒரு நட்சத்திர ஹோட்டலில் தங்கியிருந்த நடிகை சோனியா அகர்வாலை பொலிஸார் அதிரடியாக கைது செய்துள்ளனர்.