மாற்றுத் திறனாளிகளுக்கான பராலிம்பிக்ஸ் போட்டி இன்று ஆரம்பம்!!

மாற்றுத் திறனாளிகளுக்கான 16 ஆவது பராலிம்பிக்ஸ் போட்டி ஜப்பான் நாட்டின் தலைநகர் டோக்கியோவில் இன்று செவ்வாய்க்கிழமை கடுமையான சுகாதார கட்டுப்பாடுகளுடன் ஆரம்பமாகியுள்ளது. 

162 நாடுகளைச் சேர்ந்த 4,400 வீரர்கள் மற்றும் வீராங்கனைகள் இந்த போட்டியில் பங்கேற்கின்றனர். இந்த போட்டிகளின் வெற்றி பெறும் 539 வீரர்களுக்கான பதக்கங்கள் வழங்கிவைக்கப்படவுள்ளன. 

இன்று செவ்வாய்க்கிழமை ஆரம்பமாகும் குறித்த பராலிம்பிக்ஸ் போட்டி எதிர்வரும் செப்டெம்பர் மாதம் 5 ஆம் திகதி வரை இடம்பெறவுள்ளமை குறிப்பிடத்தக்கது.