விசேட ரி-20 தொடர் இன்று ஆரம்பம்!!

ஸ்ரீ லங்கா கிரிக்கெட்டினால் இருபதுக்கு 20 உலக கிண்ணத் தொடரை முன்னிட்டு நடத்தப்படும் விசேட ரி-20 தொடர் இன்று வெள்ளிக்கிழமை மீண்டும் ஆரம்பமாகவுள்ளது.

கண்டி - பல்லேகலை மைதானத்தில் இன்று குறித்த தொடரின் இரண்டு போட்டிகள் இடம்பெறவுள்ளன. இன்று பிற்பகல் 2.30 மணிக்கு ஆரம்பமாகவுள்ள முதல் போட்டியில் தசுன் சானக்க தலைமையிலான எஸ்.எல்.சி கிரே அணியும், அசான் பிரியசஞ்சன் தலைமையிலான எஸ்.எல்.சி கிரீன் அணியும் மோதவுள்ளன.

இன்றிரவு 7 மணியளவில் ஆரம்பமாகவுள்ள இரண்டாவது போட்டியில் தனஞ்சய டி சில்வா தலைமையிலான எஸ்.எல்.சி புளு அணியும், தினேஸ் சந்திமால் தலைமையிலான எஸ்.எல்.சி ரெட்ஸ் அணியும் மோதவுள்ளன.

இந்த போட்டிகள் நேற்று ஆரம்பமாகவிருந்த நிலையில் சீரற்ற வானிலை காரணமாக இன்று வரை பிற்போடப்பட்டமை குறிப்பிடத்தக்கது.