மீண்டும் டோலிவுட்டில் வில்லனாக விஜய்சேதுபதி!!

மக்கள் செல்வன் விஜய் சேதுபதி ஏற்கனவே உப்பென்னா என்ற தெலுங்கு படத்தில் வில்லனாக நடித்துள்ள நிலையில் மற்றுமொரு தெலுங்கு படத்திலும் அவர் வில்லனாக நடிக்க உள்ளதாக தெரிவிக்கப்பட்டுள்ளது. 

விஜய் சேதுபதி, ஹீரோவைப் போல் வில்லன் வேடங்களுக்கும் முக்கியத்துவம் கொடுத்து வருகிறார். ஏற்கனவே விக்ரம் வேதா, பேட்ட, மாஸ்டர் ஆகிய படங்களில் வில்லன் வேடத்தில் நடித்து அசத்தினார். 

தற்போது விக்ரம் படத்தில் கமலுக்கு வில்லனாக நடித்து வருகிறார். இந்நிலையில் தெலுங்கு திரையுலகில் முன்னணி கதாநாயகனாக இருக்கும் பாலகிருஷ்ணா நடிக்கும் தெலுங்கு படத்தில் வில்லனாக நடிக்க விஜய்சேதுபதிக்கு வாய்ப்பு வந்துள்ளது.

இதுகுறித்து அவருடன் பேச்சுவார்த்தை நடந்து வருவதாகவும், நடிக்க சம்மதிப்பார் என்றும் கூறப்படுகிறது. ஏற்கனவே உப்பென்னா என்ற தெலுங்கு படத்தில் விஜய்சேதுபதி வில்லனாக நடித்து இருக்கிறார். அந்த படம் பெரிய வெற்றி பெற்றது குறிப்பிடத்தக்கது.