தனது கனவு குறித்து மனம் திறந்த ஹசரங்க!!

ஐ.பி.எல். கிரிக்கெட் போட்டி மற்றும் இங்கிலாந்து கவுண்ட்டி கிரிக்கெட் ஆகிய இரு போட்டிகளில் விளையாடுவது எனது கனவாகும் என இலங்கை கிரிக்கெட் அணியின் நட்சத்திர வீரரான வனிந்து ஹசரங்க கூறியுள்ளார். 

இலங்கை கிரிக்கெட் வீரரான லசித் மாலிங்கவுடனான நடந்த நேர்காணலிலேயே அவர் மேற்கண்டவாறு தெரிவித்தார். இவ்விடயம் தொடர்பில் அவர் மேலும் தெரிவிக்கையில்:- 

அண்மையில் நடந்த இந்திய கிரிக்கெட் அணியுடனான ரி-20 போட்டிகளில் சிறப்பாக விளையாட முடிந்தது. இதனால், ஐ.பி.எல். கிரிக்கெட் அணிகள் இரண்டிலிருந்து எனக்கு தொலைப்பேசி அழைப்பு வந்தது. எனினும், உத்தியோகபூர்வமான அறிவிப்பு எதுவும் இதுவரையில் விடுக்கப்படவில்லை. 

இப்போது எனக்கு 24 வயதுதான் ஆகிறது. ஐ.பி.எல் போன்ற ரி-20 தொடரில் விளையாடுவதால் மிகச் சிறந்த அனுபவத்தை பெறலாம். மிகச் சிறந்த அனுபவத்தை பெறுவதற்கு ஐ.பி.எல். கிரிக்கெட் தொடர் சிறந்ததாகும் என்றார்.