பேஸ்புக் நண்பியை இரு தடவைகள் வீட்டுக்கு அழைத்த பெண்! இரு தடவையும் வீட்டிலிருந்த நகைகள் கொள்ளை..

பேஸ்புக் ஊடாக நட்பை ஏற்படுத்தி திருட்டில் ஈடுபட்டிருந்த குற்றச்சாட்டில 24 வயதான பெண் ஒருவர் பொலிஸாரினால் கைது செய்யப்பட்டிருப்பதாக பொலிஸ் பேச்சாளர், பிரதி பொலிஸ்மா அதிபர் அஜித் ரோஹண கூறியுள்ளார். 

முகத்தளப்புத்தகத்தினூடாக சீதுவ பிரதேசத்தைச் சேர்ந்த 23 வயது யுவதியுடன் நட்பை ஏற்படுத்திக்கொண்ட சந்தேகநபர், அந்த யுவதியின் வீட்டுக்கு இரண்டு தடவைகள் சென்றுள்ளதுடன் இரண்டு தடவைகளுயும் யுவதியின் வீட்டிலிருந்த 

தங்கநகைகளைத் திருடியுள்ளார் என்று தெரியவந்துள்ளது.கொட்டுகொட பிரதேசத்திலுள்ள வீடொன்றிலேயே இந்தக் கொள்ளைச் சம்பவம் இடம்பெற்றுள்ளது.இறுதியாக நேற்றுமுன்தினம் யுவதியின் வீட்டுக்குச் சென்ற சந்தேகநபர், 

சுமார் மூன்றரைப் பவுன் தங்கநகைகளைத் திருடியுள்ளார் என விசாரணையில் தெரியவந்துள்ளது என்றும் பொலிஸ் ஊடகப் பேச்சாளர் மேலும் குறிப்பிட்டுள்ளார்.