அச்சுறுத்தும் வகையில் கொரோனா தொற்றாளர் எண்ணிக்கை 2329 ஆக உயர்வு, 66 மரணங்களும் பதிவு..!

நாட்டில் மீண்டும் அச்சுறுத்தும் வகையில் சுமார் 2329 பேருக்கு கொரோனா தொற்று உறுதி செய்யப்பட்டிருப்பதுடன், சுமார் 66 மரணங்களும் பதிவாகியுள்ளது. 

குறித்த தகவலை இராணுவத் தளபதி ஜெனரல் சவேந்திர சில்வா தெரிவித்துள்ளார். மேலும் இவர்கள் அனைவரும் புதுவருட கொவிட் கொத்தணியுடன் தொடர்புட்டோர்.

எனவும் அவர் மேலும் தெரிவித்துள்ளார். இதற்கமைய, நேற்றைய தினம்  2,329 பேருக்கு கொவிட் தொற்று உறுதிப்படுத்தப்பட்டுள்ளதாக அவர் தெரிவித்தார்.

அதன்படி, இந்நாட்டு மொத்த கொவிட் தொற்றாளர்களின் எண்ணிக்கை 304,161 ஆக அதிகரித்துள்ளதாக அரசாங்க தகவல் திணைக்களம் குறிப்பிட்டுள்ளது.

இதேவேளை, கொரோனா தொற்றில் இருந்து இதுவரை பூரணமாக குணமடைந்தவர்களின் எண்ணிக்கை 273,496 ஆக அதிகரித்துள்ளது.

மேலும், கொவிட் தொற்றுக்கு உள்ளாகி உயிரிழந்தோரின் எண்ணிக்கை 4,258 ஆக அதிகரித்துள்ளதாக சுகாதார அமைச்சு தெரிவித்துள்ளது.

நாட்டில்  (28.07.2021) கொரோனா தொற்றால் மேலும் 66 பேர் உயிரிழந்துள்ளதாக அரசாங்க தகவல் திணைக்களம் தெரிவித்துள்ளது.

இந்நிலையில், நாட்டில் கொரொனா தொற்று காரணமாக உயிரிழந்தோரின் மொத்த எண்ணிக்கை 4,324 ஆக உயர்வடைந்துள்ளமை குறிப்பிடத்தக்கது.