வாள்களுடன் வீடு புகுந்த ரவுடிகள் 3 பிள்ளைகளின் தந்தை மீது சரமாரி வாள்வெட்டு! வாகனங்கள், பொருட்களும் சேதமாக்கப்பட்டது..

மாந்தை கிழக்கு - கரும்புள்ளியான் கிராமத்தில் உள்ள வீடொன்றுக்குள் புகுந்த வாள்வெட்டு குழு ரவுடிகள் வீட்டில் இருந்தவர் மீது சரமாரி வாள்வெட்டு தாக்குதல் நடத்திவிட்டு தப்பி சென்றுள்ளது. 

மேலும் வீட்டில் நிறுத்தி வைக்கப்பட்டிருந்த கயஸ்வாகனம் மற்றும் வீட்டுப் பொருட்களும் சந்தேகநபர்களினால் சேதமாக்கப்பட்டுள்ளன. நேற்று (சனிக்கிழமை) இடம்பெற்ற இந்த சம்பவத்தில், 3 பிள்ளைகளின் தந்தையான செல்வராசா யாதவராசா (43 வயது) 

என்பவரே படுகாயங்களுக்கு உள்ளாகிய நிலையில் மல்லாவி வைத்தியசாலையில் அனுமதிக்கப்பட்டு, மேலதிக சிகிச்சைகளுக்காக வவுனியா வைத்தியசாலைக்கு மாற்றப்பட்டுள்ளார்.

குறித்த சம்பவம் தொடர்பாக மல்லாவி பொலிஸார் மேலதிக விசாரணைகளை முன்னெடுத்து வருகின்றனர்.