மாற்றுத்திறனாளி சிறுவனுக்கு பாட வாய்ப்பளித்த டி.இமான்!! -குவியும் பாராட்டுக்கள்-

தமிழ் திரையுலகில் முன்னணி இசையமைப்பாளராக வலம் வரும் டி.இமான் தனது இசையில் மாற்றுத்திறனாளி சிறுவன் ஒருவருக்கு பாடுவதற்கான வாய்ப்பினை வழங்கியுள்ளார். 

இதனால் அவருக்கு பாராட்டுக்கள் குவிந்த வண்ணம் உள்ளன. கேரளாவை சேர்ந்த மாற்றுத்திறனாளி சிறுவன் ஆதித்யா சுரேஸ் என்பவருக்கே தனது இசையில் பாட வாய்ப்பு கொடுத்துள்ளார். 

இவருடன் இணைந்து சஹானா என்ற சிறுமியும் அப்பாடலை பாடி உள்ளார். ராகவன் இயக்கத்தில் பிரபுதேவா நடிக்கும் புதிய படத்தில், இவர்களை பாட வைத்துள்ளதாக இமான் தெரிவித்துள்ளார். 

ஏற்கனவே திருமூர்த்தி என்கிற மாற்றுத்திறனாளி இளைஞருக்கு தனது இசையில் வெளியான சீறு என்ற படத்தில் மதுவந்தியே என்ற பாடலை பாட இமான், வாய்ப்பு அளித்திருந்தார் என்பது குறிப்பிடத்தக்கது.