வேக கட்டுப்பாட்டை இழந்து விபத்துக்குள்ளான மோட்டார் சைக்கிள்! 25 வயதான இளைஞன் சம்பவ இடத்திலேயே பலி..

கிளிநொச்சி நகரில் இன்று மாலை இடம்பெற்ற விபத்தில் இளைஞர் ஒருவர் உயிரிழந்துள்ளார். சம்பவத்தில் கிளிநொச்சி நகர் பகுதியை சேர்ந்த 25 வயதுடைய சிறிதரன் சந்திரசேனன்

என்ற ஒரு பிள்ளையின் தந்தையே உயிரிழந்துள்ளதாக பொலிசார் தெரிவிக்கின்றனர். குறித்த விபத்து சம்பவம் புனித திரேசா ஆலயம் முன்பாக ஏ 9 வீதியில் இடம்பெற்றுள்ளது.

கிளிநொச்சி நகர் நோக்கி பயணித்த மோட்டார் சைக்கிள் கப்ரக வாகனத்தை முந்தி செல்ல முற்பட்டபோது வேக கட்டுப்பாட்டை இழந்து வீதியில் நடுப்பகுதியில் உள்ள 

கல்லில் மோதி விபத்துக்குள்ளானது. இதன் போது மோட்டார் சைக்கிளில் பயணித்த நபர் சிகிச்சை பலனின்றி உயிரிழந்ததாக பொலிசார் தெரிவிக்கின்றனர். 

உயிரிழந்தவரின் சடலம் கிளிநொச்சியில் வைக்கப்பட்டுள்ள நிலையில், கிளிநொச்சி பொலிசார் மேலதிக விசாரணைகளை முன்னெடுத்து வருகின்றனர்.