நடிகையின் 5 வயது மகளுக்கு பாலியல் தொல்லை!! -நடிகர் கைது-

5 வயது சிறுமிக்கு பாலியல் தொல்லை கொடுத்த விவகாரத்தில் கைது செய்யப்பட்டுள்ள நடிகரை, 14 நாட்கள் நீதிமன்ற சிறையில் அடைத்துள்ளனர்.

நாகின் 3 என்ற இந்தி சீரியலில் நடித்த நடிகர் பியர்ல் புரி (வயது 31) இவர் மும்பையில் வசித்து வருகிறார். 

இந்நிலையில், இவருடன் நடிக்கும் சக நடிகை ஒருவர் சம்பவ தினத்திலன்று தனது 5 வயது மகளுடன் படப்பிடிப்பு தளத்துக்கு வந்துள்ளார். அப்போது நடிகர் பியர்ல் புரி, குறித்த 5 வயது சிறுமிக்கு பாலியல் தொல்லை கொடுத்ததாக கூறப்படுகிறது. 

இதுதொடர்பாக சிறுமியின் தந்தை அண்மையில் மும்பை பொலிஸ் நிலையத்தில் முறைப்பாடு செய்திருந்தார். முறைப்பாட்டின் அடிப்படையில் பொலிஸார் விசாரணைகளை ஆரம்பித்தனர். 

இதனையடுத்து குறித்த நடிகர் கைது செய்யப்பட்டு நீதிமன்றத்தில் முன்னிலைப்படுத்தப்பட்ட நிலையில் அவரை 14 நாட்கள் தடுப்பு காவலில் வைக்க உத்தரவிடப்பட்டுள்ளது.