யாழ்.மாவட்டத்தில் 152 பேர் உட்பட வடக்கில் 213 பேருக்கு நேற்று கொரோனா தொற்று உறுதி..! கொவிட் தடுப்புக்கான தேசிய செயற்பாட்டு மையம் தகவல்..

யாழ்.மாவட்டத்தில் 152 பேர் உட்பட வடக்கில் 213 பேருக்கு நேற்றய தினம் கொரோனா தொற்று உறுதி செய்யப்பட்டதாக தேசிய கொவிட் தடுப்புக்கான செயற்பாட்டு மையம் இன்று காலை வெளியிட்டுள்ள நிலவர அறிக்கையில் கூறப்பட்டிருக்கின்றது. 

இதன்படி யாழ்ப்பாணம் -152, முல்லைத்தீவு -23, வவுனியா – 22, கிளிநொச்சி -13 மற்றும் மன்னாரில் 03 பேருக்கு நேற்று தொற்று உறுதி செய்யப்பட்டதாகவும் அந்த அறிக்கையில் கூறப்பட்டுள்ளது.

நேற்று நாட்டில் மொத்தம் 3,306 பேருக்கு கொரோனா தொற்று உறுதி செய்யப்பட்டது. இவற்றுடன் மொத்த தொற்று நோயாளர் தொகை 192,546 ஆக அதிகரித்துள்ளது. நேற்று 39 கொரோனா மரணங்கள் நாட்டில் பதிவாகின. 

இவற்றுடன் நாட்டில் கொரோனாவால் உயிரிழைந்தவர்களின் எண்ணிக்கை 1,566 ஆக அதிகரித்துள்ளமையும் குறிப்பிடத்தக்கது.