குப்பை கொழுத்தியபோது அடையாளம் தொியாத பொருள் வெடித்ததில் பெண் காயம்..!
புதுக்குடியிருப்பு - தேவிபுரம் கிராமத்தில் குப்பை கொழுத்தியபோது இடம்பெற்ற வெடிப்புச் சம்பவத்தில் பெண் ஒருவர் படுகாயமடைந்த நிலையில் புதுக்குடியிருப்பு வைத்தியசாலையில் அனுமதிக்கப்பட்டிருக்கின்றார்.
இந்த சம்பவம் குறித்து மேலும் தெரிய வருகையில், தனது காணியில் இருக்கின்ற பனைமரத்துக்கு அருகாமையில் குப்பைகளை கூட்டி வைத்து நெருப்பு வைத்த போதே இந்த வெடிப்பு சம்பவம் இடம்பெற்றுள்ளது.
இதன்போது காயமடைந்த அவர் புதுக்குடியிருப்பு வைத்தியசாலையில் அனுமதிக்கப்பட்டுள்ளார்.இந்நிலையில் சம்பவ இடத்திற்கு விரைந்த புதுக்குடியிருப்பு பொலிஸார் சம்பவம் தொடர்பில்
விசாரணைகளை மேற்கொண்டு வருவதோடு குறித்த பகுதியில் வெடிபொருட்கள் இருக்கிறதா என்பது தொடர்பாகவும் ஆராய்ந்து வருகின்றனர்.
