எனக்கும் பாலியல் தொல்லைகள்!! -கவர்ச்சி நடிகை சோனா பரபரப்பு குற்றச்சாட்டு-

கவர்ச்சி, நகைச்சுவை, குணசித்திர கதாபாத்திரங்களில் அசத்திய நடிகை சோனா தற்போது தொலைக்காட்சி தொடரிலும் நடிக்க ஆரம்பித்துள்ளார். 

இதுகுறித்து அவர் ஊடகங்களுக்கு கருத்து தெரிவிக்கையில்:- 

சினிமா தான் எனக்கு அடையாளம் தந்தது. இருப்பினும் நல்ல கதாபாத்திரம் அமைந்ததால் “அபி டெய்லர்ஸ்” என்ற தொலைக்காட்சி தொடரில் நடிக்கிறேன்.

ஆரம்பத்தில் கவர்ச்சியாக நடித்ததால் இப்போதும் கவர்ச்சியாகவே நடிக்கவே அதிக வாய்ப்புகள் வருகின்றன. வில்லி, நகைச்சுவை, குணசித்திர வேடங்களில் நடிக்க ஆர்வம் உள்ளது. 

தமிழில் 3 படங்களிலும், மலையாளத்தில் 3 படங்களிலும் நடிக்கிறேன். தொடர்ந்து சினிமாவில் நடிப்பேன். பாலியல் தொல்லைகள் எல்லா துறையிலும் இருக்கிறது. இப்போது பாடசாலையில் இருந்தும் இதுபோல் குற்றசாட்டுகள் வருகின்றன.

பாலியல் குற்றங்கள் எங்கு நடந்தாலும் முறையான விசாரணையும், தண்டனையும் அவசியம். திரைத்துறையை பொறுத்தவரை, தனித்து குற்றம் சொல்ல முடியாது. சில வருடங்களுக்கு முன் எனக்கும் இதுபோல் பாலியல் தொல்லை நடந்தது. 

நமக்கான உரிமைக்கு நாம்தான் போராட வேண்டும். உங்களுக்கு நடந்தால் அதை வெளிப்படுத்துங்கள் என்றார்.