வைத்தியர்கள், தாதியர்களுக்கு தங்க நாணயப் பரிசு!! -தமிழகத்தில் வழங்கி வைத்த இளையதளபதி ரசிகர்கள்-

வைத்தியர்கள், தாதியர்கள், நோயாளர்காவு வண்டி சாரதிகள் உள்ளிட்ட சுகாதார துறை முன்களப் பணியாளர்களுக்கு இளையதளபதி விஜய் இரசிகர்கள் பரிசு பொருட்களை வழங்கி இருக்கிறார்கள்.

தமிழகத்தில் ஒவ்வொரு முறையும் பேரிடர் நிகழும்போது பொது மக்களுக்கு பல உதவிகளை இளையதளபதி ரசிகர்கள் செய்து வருவது வளமை. அந்த வகையில் தற்போது தமிழகத்தில் கடந்த ஒரு ஆண்டுக்கும் மேலாக பொதுமக்களை வாட்டி வதைத்து வரும் கொரோனா தொற்றால் மக்களுக்கு இளையதளபதி ரசிகர்கள் பலர் ஆங்காங்கே தங்களால் முயன்ற உதவிகளை செய்து வருகின்றனர்.

தற்போது மக்களின் உயிரைக் காக்கும் பணியில் ஈடுபட்டுவரும் வைத்தியர்கள், தாதியர்கள், நோயாளர்காவு வண்டி சாரதிகள் உள்ளிட்ட சுகாதார துறை முன்களப் பணியாளர்களுக்கு ஆகியோர்களை பாராட்டி புதுக்கோட்டை தளபதி விஜய் மக்கள் இயக்கத்தினர் தங்க நாணயங்களை வழங்கி உள்ளனர்.