மணல் ஏற்றிவந்த டிப்பர் வாகனம் கவிழ்ந்து விபத்து..! 7 பேர் படுகாயம், மணலில் புதையுண்டவர்களை மீட்ட மக்கள்..

வேக கட்டுப்பாட்டை இழந்த டிப்பர் வாகனம் கவிழ்ந்து விபத்துக்குள்ளானதில் 7 பேர் காயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளனர். 

குறித்த சம்பவம் இன்று மாலை கொக்காவில் பகுதியில் இடம்பெற்றிருக்கின்றது. மணல் ஏற்றியபடி கட்டுப்பாடற்ற வேகத்தில் பயணித்த டிப்பர் வாகனம், 

கவிழ்ந்து விபத்துக்குள்ளாகியுள்ளது. குறித்த விபத்தில் வாகனத்தில் இருந்தவர்கள் காயமடைந்து மணலில் புதையுண்ட நிலையில் வீதியால் சென்றவர்களால் காப்பாற்ப்பட்டுள்ளனர். 

உடனடியாக 1990 அம்புலன்ஸ் வண்டி மூலம் டிப்பர் சாரதி உட்பட 7 பேரும் கிளிநொச்சி வைத்தியசாலையில் அனுமதிக்கப்பட்டிருக்கின்றனர். 

சம்பவம் தொடர்பாக பொலிஸார் விசாரணைகளை மேற்கொண்டுள்ளனர்.