மாணவ பருவதித்திலேயே நானும் அத்த கொடுமைகளை எதிர்கொண்டேன்!! -மனம் திறக்கும் நடிகை கவுரி கிசன்-

தமிழில் 96, மாஸ்டர், கர்ணன் போன்ற படங்களில் நடித்து ஏராளமான ரசிகர்களை தன்வசம் இழுத்துள்ள நடிகை கவுரி கிசன் தான் பாடசாலையில் படித்தபோது எதிர்கொண்ட கசப்பான அனுபவங்களை பகிர்ந்துள்ளார்.

சென்னையில் தனியார் பாடசாலையின் ஆசிரியர் ராஜகோபாலன் மாணவிகளிடம் இணைய வழி வகுப்புகள் எடுக்கும் போது பாலியல் தொடர்பான அத்துமீறலில் ஈடுபட்ட விவகாரம் பரபரப்பை ஏற்படுத்தி உள்ளது. இந்த விவகாரம் குறித்து திரையுலக பிரபலங்கள் பலரும் கருத்து தெரிவித்து வருகின்றனர்.

இந்நிலையில், நடிகை கவுரி கிசன் தனக்கு நடந்த கசப்பான அனுபவங்களை பகிர்ந்துள்ளார். 

தான் படித்தபோது ஆசிரியர்கள் சிலர், மாணவ - மாணவிகளை அசிங்கமாக பேசுவது, சாதியை வைத்து பேசுவது, மிரட்டுவது, உடல் அமைப்பை கிண்டல் செய்வது, கேவலப்படுத்துவது, ஆதாரமில்லா குற்றச்சாட்டுகளை சுமத்துவது போன்ற கொடுமைகளை தான் மட்டுமல்லாது தன்னுடன் படித்த அனைவரும் எதிர்கொண்டதாக கவுரி கூறியுள்ளார்.