மனி ஹெய்ஸ்ட் தொடரின் 5 ஆவது சீசன் வெளியீட்டு திகதி அறிவிப்பு!!

உலக அளவில் பிரபலமான மனி ஹெய்ஸ்ட் இணைய தொடரின் 5 ஆவது சீசன் வெளியிடப்படும் திகதி அறிவிக்கப்பட்டுள்ளது.

உலகளவில் திரைப்படங்களை தாண்டி தற்போது வெப் தொடர்களுக்கு ரசிகர்களிடையே அதிக வரவேற்பு கிடைத்து வருகிறது. குறிப்பாக மனி ஹெய்ஸ்ட் இணைய தொடருக்கென உலகளவில் மிகப் பெரிய ரசிகர் பட்டாளமே உள்ளது. 

நவீன தொழில்நுட்பங்களைப் பயன்படுத்தி வங்கிகளில் கொள்ளையடிக்கும் கொள்ளையர்களை பற்றிய கதைதான் இந்த ‘மனி ஹெய்ஸ்ட்’ தொடர். இதுவரை, 4 சீசன்கள் வெளிவந்துள்ளன. ஒவ்வொரு சீசனும் தலா 8 எபிசோடுகளைக் கொண்டது. 

இந்நிலையில் ‘மனி ஹெய்ஸ்ட்’ வெப் தொடரின் 5 ஆவது சீசன் வெளியாகும் திகதி அறிவிக்கப்பட்டுள்ளது. அதன்படி 5 ஆவது சீசன் இரண்டு பகுதிகளாக வெளியாக உள்ளது. 

முதல் பகுதி எதிர்வரும் செப்டம்பர் மாதம் 3 ஆம் திகதியும், இரண்டாம் பகுதி எதிர்வரும் டிசம்பர் மாதம் 5 ஆம் திகதியும் வெளியாகும் என்று அறிவிக்கப்பட்டுள்ளது.