தொடர் திருட்டில் ஈடுபடுபட்டவரை மடக்கி பிடித்து நொருக்கிய பின் பொலிஸாரிடம் ஒப்படைத்த மக்கள், விடுதலை செய்த பொலிஸார்..

மன்னார் - குருசுக் கோவில் பகுதியில் பல நாட்களாக திருட்டு சம்பங்கள் இடம்பெற்றுவந்த நிலையில் நேற்றய தினம் குறித்த பகுதியில் உள்ள வீடொன்றுக்குள் நுழைந்து திருட்டு முயற்சியில் ஈடுபட்டவர் பிரதேச இளைஞர்களால் மடக்கி பிடிக்கப்பட்டு நையப்புடைக்கப்பட்டுள்ளார். 

குறித்த பகுதியில் உள்ள வீடுகளில் கோழிகள், துவிச்சக்கர வண்டிகள் மற்றும் பெறுமதியான பொருட்கள் திருடுபோகும் நிலையில் சம்பவத்துடன் தொடர்புடையவரை கைது செய்தாலும் பொலிஸார் அவர்களை விடுதலை செய்வதாக மக்கள் குற்றஞ்சாட்டியிருக்கின்றனர். 

இந்த நிலையில் நேற்று சனிக்கிழமை மாலை குருசுக்கோவில் பகுதியில் உள்ள வீடு ஒன்றில் திருட முற்பட்ட போது அப்பகுதி மக்கள் மற்றும் இளைஞர்கள் ஒன்றிணைந்து குறித்த திருட்டில் ஈடுபட்ட நபரை பிடித்து கட்டி வைத்தனர்.

பின்னர் பொலிஸ் அவசர தொலைபேசிக்கு 119 தொடர்பை ஏற்படுத்தியபோது 2 பொலிஸார் வருகை தந்தனர். பின்னர் குறித்த நபரை மன்னார் பொலிஸாரிடம் ஒப்படைத்தனர். பொலிஸார் முறைப்பாடு செய்ய 4 பேரை 

மன்னார் பொலிஸ் நிலையத்திற்கு வருகை தர கோரி இருந்தனர். இந்த நிலையில் குறித்த நபரை கைது செய்து பொலிஸ் நிலையம் அழைத்துச் சென்று பின்னர்  விடுவித்துள்ளதாக அப்பகுதி மக்கள் தெரிவித்துள்ளனர்.

குறித்த பகுதிகளில் இரவு பகல் பாராது குறித்த இளைஞன் மற்றும் அவரது குழுவினரால் இப்பகுதியில் திருட்டுச் சம்பவம் இடம்பெற்று வருகின்றபோதும், 

குறித்த இளைஞன் பிடிக்கப்பட்டு பொலிஸாரிடம் ஒப்படைக்கப்படுகின்றபோது பொலிஸார் குறித்த நபரை விடுவிப்பதாக பாதிக்கப்பட்ட மக்கள் விசனம் தெரிவித்தனர்.