மது அருந்தும் இடத்தில் வாய்த்தர்க்கம் கத்திக்குத்தில் முடிந்தது..! 26 வயது இளைஞன் கொலை..

மதுபானம் அருந்தும் இடத்தில் உருவான வாய்த்தர்க்கம் கத்திக்குத்தில் முடிந்த நிலையில் படுகாயமடைந்த 26 வயதான இளைஞன் சிகிச்சை பலனின்றி உயிரிழந்துள்ளார். 

குறித்த சம்பவம் முல்லைத்தீவு - சுதந்திரபுரம் கொலனி பகுதியில் நேற்று இரவு இடம்பெற்றிருக்கின்றது. 

வாக்கத்தர்க்கம் முற்றிய நிலையில் இளைஞன் மீது கத்திக்குத்து நடத்தப்பட்டுள்ளது. சம்பவத்தில் காயமடைந்த குணராசா நிதர்ஸன் (வயது26) 

என்ற இளைஞன் புதுக்குடியிருப்பு வைத்தியசாலையில் அனுமதிக்கப்பட்டபோதும் சிகிச்சை பலனின்றி உயிரிழந்துள்ளார். 

சம்பவம் தொடர்பாக மாவட்ட நீதிபதி ரி.சரவணராஜா சம்பவ இடத்தையும் சடலத்தையும் பார்வையிட்டு விசாரணை நடத்தியுள்ளார். 

இதேவேளை கத்திக்குத்து தாக்குதல் நடத்திய நபர் தலைமறைவாகியுள்ள நிலையில் அவரை கைது செய்ய நடவடிக்கை எடுக்கப்பட்டுள்ளது. 

மேலும் உயிரிழந்தவரின் சடலம் மீத பீ.சி.ஆர் பரிசோதனை மேற்கொள்ளப்படவுள்ளதுடன் பீ.சி.ஆர் பரிசோதனை முடிவுகளின் அடிப்படையில் மேல் நடவடிக்கை எடுக்கப்படவுள்ளது.