புதுக்குடியிருப்பு, முள்ளியவளை பகுதிகள் இன்று இரவு 11 மணி முதல் முடக்கப்படுகிறது..! 261 பேருக்கு கொரோனா தொற்று உறுதி..

முல்லைத்தீவு - புதுக்குடியிருப்பு ஆடை தொழிற்சாலையில் 926 பேருக்கு நடத்தப்பட்ட கொவிட்-19 பரிசோதனையில் 261 கொரோனா தொற்றாளர்கள் அடையாளம் காணப்பட்டிருக்கும் நிலையில் புதுக்குடியிருப்பு மற்றும் முள்ளியவளை பகுதிகளில் முடக்கப்படுகிறது. 

மேற்படி தகவலை தேசிய கொவிட் செயலணியின் தலைவரும், இராணுவ தளபதியுமான ஜெனரல் சவேந்திர சில்வா அறிவித்துள்ளார். இதன்படி இன்று இரவு 11 மணி தொடக்கம் புதுக்குடியிருப்பு மற்றும் முள்ளியவளை பகுதிகள் மறு அறிவித்தல்வரை முடக்கப்படுகிறது. 

மேலும் இன்றைய தினம் புதுக்குடியிருப்பு ஆடை தொழிற்சாலையை அடிப்படையாக கொண்டு நடத்தப்பட்ட கொவிட் -19 பரிசோதனையில் 261 பேருக்கு தொற்று உறுதி செய்யப்பட்டுள்ளதாக பிரதேச சுகாதார வைத்திய அதிகாரி கூறியுள்ளார்.