முழு நேர பயணத்தடை நீடிக்குமா..? இராணுவ தளபதி விளக்கம்..! மக்களுக்கு நன்றி கூறிய இராணுவ தளபதி..

நாட்டில் தற்போது அமுலில் உள்ள முழு நேர பயணத்தடை நாளை அதிகாலை 4 மணியுடன் நீக்கப்படும். என இராணுவ தளபதியும், தேசிய கொவிட் தடுப்பு செயலணியின் தலைவருமான ஜெனரல் சவேந்திர சில்வா கூறியுள்ளார். 

இன்று காலை கொழும்பில் ஊடகங்களுக்கு தகவல் வழங்கும்போதே அவர் மேற்கண்டவாறு கூறியுள்ளார். இதன்போது மேலும் அவர் கூறுகையில், நடைமுறையில் உள்ள முழு நேர பயண கட்டுப்பாடு நாளை அதிகாலை 4 மணிக்கு நிறைவுக்கு வருகிறது. 

3 நாட்களும் பயண கட்டுப்பாட்டுக்கு ஒத்துழைப்பு வழங்கிய மக்களுக்கு நாங்கள் நன்றியை கூறிக்கொள்ள விரும்புகிறேன். நாளை காலை பயண கட்டுப்பாடு நீக்கப்பட்டதன் பின்னர் மீண்டும் சுகாதார நடைமுறைகளை மீறாதீர்கள். 

சுகாதார நடைமுறைகளை மதித்து நடவுங்கள். அவ்வாறு நடந்துகொண்டால் 2 அல்லது 3 வாரங்களில் கொரோனா பரவலை கட்டுப்படுத்த முடியும் எனவும் இராணுவ தளபதி கூறியுள்ளார்.