வாள்களுடன் ஆட்டோவில் வந்து சண்டித்தனம்..! அடித்து முறித்து பொலிஸாரிடம் ஒப்படைத்த பொதுமக்கள்..

முல்லைத்தீவு - உண்ணாப்புலவு பகுதியில் வாள்கள், தடிகளுடன் தாக்குதல் நடாத்தவந்த 3 பேர் பொலிஸாரிடம் வசமாக சிக்கியிருக்கின்றனர். 

சம்பவம் குறித்து மேலும் தெரிய வருவதாவது, உண்ணாப்புலவு பகுதியில் வசிக்கும் நபர் ஒருவர் மீது வாள்கள் பொல்லுகளுடன் தாக்குதல் நடத்த வந்த நிலையில் 

வீட்டு உரிமையாளர் மீது தூள் வீசிவிட்டு தாக்குதல் நடத்த முற்பட்டவேளை வீதியால் சென்ற இளைஞர் ஒருவர் சம்பவத்தை அவதானித்து ஊர் மக்களை அழைத்தபோது 

இருவர் தப்பிச் செல்ல முற்பட்டவேளை மக்களால் மடக்கி பிடிக்கப்பட்டு நையப்புடைக்கப்பட்டு பொலிசாரிடம் ஒப்படைக்கப்பட்டுள்ளனர்.

இதேவேளை இவர்களை ஏற்றி வந்த முச்சக்கர வண்டி சாரதியும் பொலிசாரால் கைது செய்யப்பட்டு மூவரிடமும் விசாரணைகளை முல்லைத்தீவு பொலிஸார் முன்னெடுத்து வருகின்றனர்.

.