யாழ்.பல்கலைகழக சட்டபீட மாணவர்கள் இருவர் உட்பட யாழ்.மாவட்டத்தில் 7 பேருக்கு தொற்று..! விபரம் வெளியானது..

யாழ்.மாவட்டத்தில் 7 பேர் உட்பட வடக்கில் 10 பேருக்கு கொரோனா தொற்று உறுதி செய்யப்பட்டிருக்கும் நிலையில் தொற்றுக்குள்ளானவர்கள் விபரங்களை மாகாண சுகாதார பணிப்பாளர், வைத்திய கலாநிதி ஆ.கேதீஸ்வரன் வெளியிட்டுள்ளார். 

இதன்படி யாழ்.மாவட்டத்தல் 7 பேருக்கு தொற்று உறுதி செய்யப்பட்டுள்ளது. யாழ்.பல்கலைகழக சட்டபீட மாணவர்கள் இருவருக்கு தொற்று உறுதி செய்யப்பட்டுள்ளது. அவர்கள் கேகாலை மற்றும் குருநாகல் பகுதிகளை சேர்ந்தவர்களாவர். 

மேலும் கோப்பாய் பகுதியில் 2 பேருக்கு தொற்று உறுதி செய்யப்பட்டுள்ளது. அவர்கள் ஏற்கனவே தொற்றுக்குள்ளானவர்களுடன் தொடர்பில் இருந்தவர்களாவர். மேலும் பருத்துறையில் ஒருவருக்கும், யாழ்.சிறைச்சாலையில் ஒருவர், 

தெல்லிப்பழை வைத்தியசாலையில் ஒருவருக்கும், கிளிநொச்சி வைத்தியசாலையில் தாதி ஒருவருக்கும், முல்லைத்தீவு வைத்தியசாலையில் அனுமதிக்கப்பட்ட ஒருவருக்கும் தொற்று உறுதி செய்யப்பட்டதாக பணிப்பாளர் கூறியுள்ளார்.