சர்பத் குடிப்பதற்கு சென்றபோது நிலத்தில் கிடந்த வெடிபொருள் வெடித்து இரு இளைஞர்கள் படுகாயம்..! முல்லைத்தீவு - வட்டுவாகலில் சம்பவம்..

முல்லைத்தீவு - வட்டுவாகல் பகுதியில் நிலத்தில் கிடந்த வெடிபொருள் ஒன்று வெடித்ததில் இரு இளைஞர்கள் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர். 

குறித்த சம்பவம் வட்டுவாகல் பாலத்திற்கு அருகில் சற்று முன்னர் இடம்பெற்றிருக்கின்றது. குறித்த பகுதியில் உள்ள சர்பத் கடை ஒன்றில் சர்பத் ஒன்றை தருமாறு கூறிவிட்டு கடைக்கு பின்னால் சென்ற நிலையில்

நிலத்தில் கிடந்த வெடிபொருள் வெட்டித்துள்ளது. சம்பவத்தில் இரு இளைஞர்களும் காயமடைந்த நிலையில் முல்லைத்தீவு வைத்தியசாலையில் அனுமதிக்கப்பட்டிருக்கின்றது. 

காயமடைந்தவர்களில் ஒருவர் தீவிர சிகிச்சை பிரிவில் அனுமதிக்கப்பட்டிருப்பதாக தொியவருகின்றது.