நள்ளிரவில் வீடு புகுந்து வாள்வெட்டு குழு அட்டகாசம், கணவன், மனைவி மீது சரமாரி வாள்வெட்டு..! பொலிஸார் தீவிர விசாரணை..

கிளிநொச்சி - புளியம்பொக்கணை முசுரம்பிட்டி பகுதியில் நேற்று நள்ளிரவு வாள்களுடன் புகுந்த வன்முறை கும்பல் நடத்திய தாக்குதலில் கணவன், மனைவி படுகாயமடைந்த நிலையில் தருமபுரம் வைத்தியசாலையில் அனுமதிக்கப்பட்டு மேலதிக சிகிச்சைகளுக்காக மாவட்ட வைத்தியசாலைக்கு மாற்றப்பட்டுள்ளனர். 

குறித்த சம்பவம் தொடர்பாக மேலும் தொியவருவதாவது, நேற்றய தினம் நள்ளிரவு வீட்டுக்குள் புகுந்த வன்முறை கும்பல் வீட்டில் தனித்திருந்த கணவன், மனைவி மீது சரமாரியான வாள்வெட்டு தாக்குதல் நடத்திவிட்டு தப்பி சென்றிருக்கின்றனர். 

சம்பவத்தில் காயமடைந்த இருவரும் தருமபுரம்வைத்தியசாலையில் அனுமதிக்கப்பட்டு அங்கிருந்து மேலதிக சிகிச்சைக்காக கிளிநொச்சி மாவட்ட வைத்தியசாலையில் அனுமதிக்கப்பட்டுள்ளனர். சம்பவம் தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்.