வயல் வேலைக்கு சென்றிருந்த 3 விவசாயிகள் மின்னல் தாக்கி உயிரிழப்பு..! காவல் கொட்டில் மீது மின்னல் தாக்கியதாக சந்தேகம்..

முல்லைத்தீவு - தண்ணிமுறிப்பு கிராமத்தில் மின்னல் தாக்கி 3 விவசாயிகள் உயிரிழந்துள்ளனர். 

சம்பவம் தொடர்பில் மேலும் தொியவருவதாவது, தண்ணிமுறிப்பு பகுதியில் வயல் வேலைக்காக சென்றிருந்த 3 விவசாயிகள், 

வீடு திரும்பாத நிலையில் இன்று மாலை உறவினர்கள் அவர்களை தேடி சென்றிருக்கின்றனர். 

இதன்போது வயலில் 3 விவசாயிகளும் சடலமாக காணப்பட்டிருக்கின்றனர். இதனையடுத்து சம்பவம் தொடர்பாக உறவினர்களுக்கும், 

பொலிஸாருக்கும் தொியப்படுத்தப்பட்டுள்ளது. குறித்த சம்பவத்தில் உயிரிழந்தவர்கள் மின்னல் தாக்கி உயிரிழந்திருக்கலாம். என கூறப்படுகிறது. 

பொலிஸார் நாளை காலையே விசாரணை நடத்துவார்கள் என கூறப்பட்டிருக்கின்றது. சம்பவத்தில் வற்றாப்பளையை சேர்ந்த ஒருவர் மற்றும் குமுழமுனையை சேர்ந்த ஒருவருமே உயிரிழந்துள்ளனர். 

மேலும் சடலங்கள் வயலில் காவலுக்கு அமைக்கப்பட்டிருந்த கொட்டிலில் காணப்பட்டிருக்கின்றது.