யாழ்.மிருசுவிலில் 40 ஏக்கர் காணியை சுவீகரிக்க முயற்சி..! பொதுமக்கள் தீவிர எதிர்ப்பு, அளவீட்டு பணிகள் நிறுத்தப்பட்டது..

யாழ்.எழுதுமட்டுவாழ் பகுதியில் மக்களுக்கு சொந்தமான காணியை இராணுவ தேவைக்கு சுவீகரிப்பதற்காக அளவீடு செய்யும் நடவடிக்கை தடுத்து நிறுத்தப்பட்டுள்ளது. 

இராணுவத்தின் 52ஆவது படையணியின் தலைமையகம் அமைப்பதற்காக சுமார் 40 ஏக்கர் காணியை சுவீகரிப்பதற்கு அளவீடுசெய்ய முயற்சிக்கப்பட்டது.

இதன்போது, ஏ-9 பிரதான வீதியை மறித்து மக்கள் போராட்டத்தில் ஈடுபட்ட நிலையில் அளவீட்டு நடவடிக்கை தடுத்து நிறுத்தப்பட்டுள்ளது. 

இதன்போது போக்குவரத்து சிறிது நேரம் தடைப்பட்டது.இந்த எதிர்ப்பு நடவடிக்கையில் மக்களுடன் இணைந்து அரசியல்வாதிகளும் கலந்துகொண்டிருந்தனர்.