புதிய கட்சியை மே மாதம் அறிவிக்கவுள்ள ரஜினி

ரஜினிகாந்த் தமிழ் புத்தாண்டில் புதிய கட்சியை ஆரம்பிப்பார் என்று எதிர்பார்க்கப்பட்ட நிலையில், தற்போது மே மாதம் ஆரம்பிக்கவுள்ளதாக தகவல் வெளியாகியுள்ளது. அதற்குள் புதிய நிர்வாகிகளை நியமிக்க ரஜினிகாந்த் முடிவு செய்துள்ளார்.

நடிகர் ரஜினிகாந்த் இமயமலை பயணத்தை முடித்துக் கொண்டு சென்னை திரும்பியதும் போயஸ்கார்டனில் உள்ள தனது இல்லத்தில் வைத்து பேட்டியளித்த ரஜினி, தமிழ் புத்தாண்டில் புதிய கட்சியை ஆரம்பிக்க போவதாக வெளியாகிய தகவல்களுக்கு முற்றுப்புள்ளி வைத்தார்.

இதனைத் தொடர்ந்து மே மாதம் ரஜினி புதிய கட்சியை ஆரம்பிப்பார் என்று எதிர்பார்க்கப்படுகிறது. இதற்கான பணிகளை அவர் முடுக்கி விட்டுள்ளார். புதிய கட்சியின் ஆரம்ப விழா சென்னை அல்லது கோவையில் நடைபெறும் என தெரிவிக்கப்படுகின்றது. புதிய கட்சியை ஆரம்பிப்பதற்கு முன்னர் அனைத்து மாவட்டங்களுக்கும் நிர்வாகிகளை நியமிக்க ரஜினி முடிவு செய்துள்ளார்.