சந்தேகத்திற்கிடமாக நடமாடிய 3 பேரை சுற்றிவளைத்த இராணுவ புலனாய்வு பிரிவு..! இருவர் கைது, ஒருவர் தப்பி ஓட்டம்..

கிளிநொச்சி - தர்மபுரம் காட்டுப்பகுதியில் சந்தேகத்திற்கிடமான முறையில் நடமாடிய இருவர் இராணுவ புலனாய்வு பிரிவினால் கைது செய்யப்பட்டிருக்கின்றனர். 

குறித்த இருவரும் நேற்றய தினம் இரவு சந்தேகத்திற்கிடமான முறையில் நடமாடியதை அவதானித்த இராணுவ புலனாய்வு பிரிவினர் அவர்களை கைது செய்து விசாரித்துள்ளனர். 

இதன்போது அவர்கள் புதையல் தோண்டுவதற்கு முயற்சித்துள்ளமை கண்டுபிடிக்கப்பட்டுள்ளது. இதனையடுத்து அவர்களிடமிருந்து புதையல் தோண்டுவதற்கான கருவிகள் மீட்கப்பட்டது. 

கைது செய்யப்பட்ட நபர்கள் வவுனியா மற்றும் அம்பாறை பகுதிகளை சேர்ந்தவர்கள் என கூறப்படுவதுடன், ஒருவர் தப்பி ஓடியுள்ளார். தப்பி ஓடியவரை தேடும் நடவடிக்கை எடுக்கப்பட்டுள்ளது. 

அதேவேளை கைது செய்யப்பட்டவர்கள் தர்மபுரம் பொலிஸ் நிலையத்தில் ஒப்படைக்கப்பட்டுள்ளதுடன் அவர்களிடம் விசாரணைகள் தீவிரப்படுத்தப்பட்டுள்ளது.