வாய்ப்புக்காக படுக்கைக்கு அழைக்கும் பழக்கம்

வாய்ப்புக்காக படுக்கைக்கு அழைக்கும் பழக்கம் இன்னமும் சினிமா துறையில் இருக்கிறது என்று நடிகை வரலட்சுமி சரத்குமார் தெரிவித்துள்ளார்.

தமிழ் சினிமாவில் வேகமாக வளர்ந்து வரும் நடிகைகள் பட்டியலில் தற்போது வரலட்சுமி சரத்குமார் இருக்கிறார். இந்த ஆண்டில், தளபதி 62, பாம்பன், வெல்வெட் நகரம் என்று தொடர்ந்து 5க்கும் மேற்பட்ட படங்களில் விறுவிறுப்பாக நடித்து வருகிறார். 

ஒரு படத்தில் என்னுடைய கதாபாத்திரத்திற்கு எவ்வளவு முக்கியத்துவம் உள்ளது என்பதை மட்டும் அறிந்த பிறகு தான் நடிக்க ஒப்புக்கொள்கிறேன். அப்பாவுடன் இணைந்து நடிக்க வேண்டும் என்பதால் முதன் முதலாக, பாம்பன் படத்தில் நடிக்க ஒப்புக்கொண்டேன். இதே போன்று தான் தளபதி 62 படத்தில் நடிக்கும் வாய்ப்பும், எனது பிறந்தநாளன்று கிடைத்தது.

அதை விட சிறந்த பிறந்தநாள் பரிசு எனக்கு இருக்க முடியாது. விஜய் உடன் இணைந்து நடிக்க வேண்டும் என்று ஆசைப்பட்டேன். அது தற்போது நிறைவேறியுள்ளது. இதுவரைக்கும் இயக்குனர்கள் சொல்வதை கேட்டு நடித்து வந்துள்ளேன். அதனால், எனக்கு எந்தப் பிரச்சனையும் வந்ததில்லை.

 பட வாய்ப்புக்காக படுக்கைக்கு அழைக்கும் பழக்கும் இன்னமும் தமிழ் சினிமாவில் இருக்கத்தான் செய்கிறது. அதனை ஒழிப்பது ஒவ்வொரு நடிகையும், நடிகரது கடமையும் கூட. அது தான் ஒவ்வொரு நடிகைகளுக்கும் பெரிய சவாலாக உள்ளது என்று வரலட்சுமி சரத்குமார் கூறியுள்ளார்.