வீட்டு சுவர் இடிந்து விழுந்ததில் பரிதாபகரமாக உயிரிழந்த இளம் குடும்பஸ்த்தர்..! மேலும் ஒருவர் காயம்..

மன்னார் - மாந்தை மேற்கு பிரதேச செயலர் பிரிவில் உள்ள சின்ன சன்னார் கிராமத்தில் வீட்டு சுவர் இடிந்து விழுந்து குடும்பஸ்த்தர் ஒருவர் பரிதாபகரமாக உயிரிழந்துள்ளார். 

குறித்த சம்பவம் இன்று மதியம் இடம்பெற்றுள்ளதுடன் 27 வயதான ஒரு பிள்ளையின் தந்தையே உயிரிழந்துள்ளார்.வீடொன்றில் சுவரை இடித்து வேலை செய்து கொண்டிருந்த போது, 

வீட்டின் சுவர் முற்றாக இடிந்து விழுந்ததில் ஒரே குடும்பத்தைச் சேர்ந்த இரு சகோதரர்கள் இடிபாட்டிற்குள் சிக்கி படுகாயமடைந்தனர்.

இந்நிலையில், அவர்கள் இருவரம் மீட்கப்பட்டு பள்ளமடு வைத்தியசாலைக்குக் கொண்டுசெல்லப்பட்டனர். 

எனினும் அதில் ஒருவரான இளம் குடும்பஸ்தர் உயிரிழந்துள்ளார். மேலும், அவரது சகோதரன் மேலதிக சிகிச்சைக்காக மன்னார் வைத்தியசாலைக்கு மாற்றப்பட்டுள்ளதுடன், 

இதுகுறித்த மேலதிக விசாரணைகளை அடம்பன் பொலிஸார் மேற்கொண்டு வருகின்றனர்.