அதிகாலையில் திடீர் சுற்றிவளைப்பு தேடுதல் நடத்திய விசேட அதிரடிப்படை..! 16 வயது சிறுவன் உட்பட இருவர் கைது..

வவுனியா - மடுக்கந்தை பகுதியில் அதிகாலை 12.30 மணியளவில் விசேட அதிரடிப்படையினர் நடத்திய திடீர் சுற்றிவளைப்பில் இருவர் கைது சேய்யப்பட்டுள்ளதுடன், கஞ்சா பொதிகளும் மீட்கப்பட்டிருக்கின்றது. 

வவுனியா மடுக்கந்தை பொலிஸ் விசேட அதிரடிபடையினருக்கு கிடைத்த இரகசிய தகவலையடுத்து அவர்களால் மேற்கொள்ளபபட்ட விசேட நடவடிக்கையில் 

கஞ்சாப் பொதிகளுடன் இருவர் வெவ்வேறு பகுதிளில் கைது செய்யப்பட்டுள்ளார்கள்.வவுனியா சிதம்பரபுரம் பகுதியில் கைது செய்யபட்ட 16 வயது மதிக்கதக்க சிறுவனிடமிருந்து

3 கிலோ 85 கிராம் கஞ்சாவினையும் கைது செய்யப்பட்ட 61 வயது மதிக்கத்தக்க முதியவரிடம் இருந்து 1 கிலோ 890 கிராம் கஞ்சாவினையும் 

வவுனியா மடுக்கந்தை விஷேட அதிரடிப்படையினர் கைப்பற்றியுள்ளனர். கைதான இருவரும் வவுனியா பொலிஸாரிடம் ஒப்படைக்கப்பட்டுள்ளதுடன்,

 இது தொடர்பான மேலதிக விசாரணைகளை வவுனியா பொலிஸார் மேற்கொண்டு வருகின்றனர்.