பாகிஸ்தானுக்கு ஆறுதல் வெற்றி!! -ரி-20 தொடரை வென்றது நியூஸிலாந்து-

நியூஸிலாந்து அணிக்கெதிரான 3 ஆவதும் இறுதியுமான ரி-20 போட்டியில், பாகிஸ்தான் அணி 4 விக்கெட்டுகளால் ஆறுதல் வெற்றி பெற்றுள்ளது. 

இந்நிலையில் 3 போட்டிகள் கொண்ட தொடரை 2-1 என்ற கணக்கில் நியூஸிலாந்து கைப்பற்றியுள்ளது.

நேபியர் மைதானத்தில் இன்று செவ்வாய்க்கிழமை நடைபெற்ற இப்போட்டியில், நாணய சுழற்சியில் வென்ற பாகிஸ்தான் அணி, முதலில் துடுப்பெடுத்தாட தீர்மானித்தது.

இதன்படி முதலில் துடுப்பெடுத்தாடிய நியூஸிலாந்து அணி, 20 ஓவர்களில் 7 விக்கெட்டுகள் இழப்புக்கு 173 ஓட்டங்களை பெற்றுக்கொண்டது.

இதனைத்தொடர்ந்து 174 என்ற வெற்றி இலக்கை நோக்கி களமிறங்கிய பாகிஸ்தான் அணி, 19.4 ஓவர்கள் நிறைவில் 6 விக்கெட்டுகள் இழப்புக்கு வெற்றி இலக்கை கடந்தது. இதனால் பாகிஸ்தான் அணி 4 விக்கெட்டுகளால் வெற்றிபெற்றது.