வவுனிக்குளம் கோர விபத்தில் காணாமல்போயிருந்த 3 பேரும் உயிரிழப்பு..! இன்று அதிகாலை இருவர் சடலம் மீட்பு..

முல்லைத்தீவு - வவுனிக்குளம் விபத்தில் காணாமல் போயிருந்த இருவரும் இன்று அதிகாலை சடலமாக மீட்கப்பட்டுள்ளனர்.

வவுனிக்குளம் அணைக்கட்டு வழியாக பட்டா வாகனத்தில் 4 பேர் பயணித்த நிலையில் கட்டுப்பாட்டை இழந்த வாகனம் குளத்திற்குள் பாய்ந்து விபத்துக்குள்ளானது.

சம்பவத்தில் சிறுவன் ஒருவன் நீந்தி கரை ஏறியிருந்தான் எனினும் 3 பேர் காணாமல்போன நிலையில் பொதுமக்கள் இணைந்து நடத்திய தேடுதலில்

ஒருவர் மீட்கப்பட்டார். எனினும் மற்றய இருவரையும் தொடர்ந்தும் தேடிவந்த நிலையில் இன்று அதிகாலை இருவரும் சடலமாக மீட்கப்பட்டுள்ளனர்.

மேலும் குளத்திலிருந்து மீட்கப்பட்டு வைத்தியசாலையில் அனுமதிக்கப்பட்டிருந்தவரும் சிகிச்சை பலனின்றி உயிரிழந்துள்ளார்.