பும்ரா அடித்த பந்து தலையை தாக்கியது!! -ஆஸ்திரேலிய வீரர் கேமரூன் கிரீனுக்கு பலத்த காயம்-

பும்ரா அடித்த பந்து தாக்கியதில் ஆஸ்திரேலிய கிரிக்கெட் வீரரான கேமரூன் கிரீன் கேமரூன் தலையில் காயம் ஏற்ப்பட்டது.

பும்ராவுக்கு அவர் பந்து வீசிய போது, அதை அவர் நேர்பகுதியில் ஓங்கி அடித்தார். பந்து தலைக்கு நேராக வந்ததால் அதை பிடியெடுக்க கேமரூன் கிரீன் முயற்சித்தார். 

ஆனால் பந்து வந்த வேகத்தில் அவரின் கைக்குள் சிக்கவில்லை. அவரது தலையின் வலது பக்கத்தில் பலமாக தாக்கியது. வலியால் துடித்த அவர் மைதானத்தில் அப்படியே உட்கார்ந்து விட்டார். 

உடனடியாக எதிர்முனையில் நின்ற இந்திய வீரர் முகமது சிராஜ் உதவி செய்தார். இதைத் தொடர்ந்து மருத்துவ நிபுணர்கள் வந்து முதலுதவி சிகிச்சை அளித்தனர். 

இதன் பின்னர் களத்தை விட்டு வெளியேறிய கேமரூன் கிரீனுக்கு பந்து தாக்கியதால் தலையில் லேசான அதிர்வு இருப்பது தெரிய வந்தது. எஞ்சிய இரண்டு நாட்களும் அவர் விளையாடமாட்டார்.