பாடாசலை மாணவர்களுக்கு வழங்கப்பட்ட இலவச பாட புத்தகங்களை விற்பனை செய்தவர் கைது..! 2020ம் ஆண்டுக்கான 1075 புத்தகங்கள் மீட்பு..

பாடசாலை மாணவர்களுக்கு அரசாங்கம் வழங்கும் இலவச பாட புத்தகங்களை விற்பனை செய்தவர் கைது செய்யப்பட்டுள்ளதுடன், 2020ம் ஆண்டுக்கான 1075 புத்தகங்கள் அதிரடிப்படையினால் மீட்கப்பட்டுள்ளது. 

கஹவத்தை நகரில் உள்ள பழைய புத்தகங்களை விற்பனை செய்யும் நிலையம் ஒன்றிலேயே இந்த புத்தகங்கள் மீட்கப்பட்டுள்ளன.

தரம் 6 முதல் 11 வரையிலான மாணவர்களுக்காக 2020ஆம் ஆண்டுக்காக வழங்கப்பட்ட தமிழ் மொழி மூலப் புத்தகங்களே இவை என தெரியவந்துள்ளது.

அத்துடன், குறித்த புத்தகங்கள் 2019ஆம் ஆண்டு அச்சிடப்பட்டவை எனவும் தெரிவிக்கப்பட்டுள்ளது.இந்த நிலையில், குறித்த விற்பனை நிலைய உரிமையாளர் 

பொலிஸ் விசேட அதிரடிப் படையினரால் கைது செய்யப்பட்டு கஹவத்த பொலிஸாரிடம் மேலதிக விசாரணைகளுக்காக ஒப்படைக்கப்பட்டுள்ளார்.